Coono kaa Yeesu KRISTAA o Yaal’in ne Saŋ fa tedu fanaa a bindditna den (18, 1-19.42)
L Cinj yaa da nju’ooxna, Yeesu a reta fo daalbe um too a jota o xuluб olaa Sederon a jeg’a maaga o qol, too a roka fa den taaga. Yudaa fane na hodkan, a anda o mbiñ onqa laam a caf a may Yeesu fo daalbe um a mosa mbokatoor maaga Yudaa a бias sadaar fo win waa no aa’adax waa no бooбoxot waa fo no farisiyeŋ waa too da ngar a seq xa lampa fo ponax. Yaaga Yeesu, net a andna kaa heluuna dal fop, a jofa maa den too a laya den ee:
V An nu mbaa£a ?
L Da ndoonin ee:
A Yeesu o Naanaasaret oxe
L Yeesu a laya den ee:
V Mi oo
L Yudaa fane hoduuna a ree£a fa den. Yaa Yeesu a doonna den ee mi oo dad a ndakoox a cinj a yen a lanq. Yeesu a бaata laamit a den ee:
V An nu mbaa£a ?
L Da lay ee:
A Yeesu o Naanaasaret oxe
L Yeesu a doona den ee:
V Layaam a nuun ee mi oo a sopanga ee mi nu mbaaeaa, mbasyo wene da ndet
L Nene a fadnooxtu fa lay faana ta lay’ina ee: mo’andiim o leng no waa cooxaxamoona.
Yaaga, Simoŋ Piyeer fanaa seq’ina saamar, a woosaan no xool olaa, a goda surga fanaa no Aa-adax oxaa no бooбoxot waa too a dega nof añmaak um surga fanene Malkus a ni’e
Yeesu a laya Piyeer ee:
V Dakni saamar of no xool ole ndax yerkiim o yerir olaa Faap fane a ciaxama boo um yerin ?
L Yaaga, soldaar waa fo aa-adax den fo boowootax no Yaawuur waa a ndama Yeesu too a ngumin. A eetaan o pis maa Aan, laam ten ree£u o seemir oxaa kayiif fanaa ree£na o бooбoxot o maak oxaa no hiid o laaga. Kayiif o ten ree£u oxaa lay’ina Yaawuur waa ee: moÿu faax o kiin o leng kut a xon laam mbop ne.
Simoŋ Piyeer a yoqa tafil paam o don maax olaa o talbe oxene a ande no maax olaa no бooбoxot o maak oxaa, a sutooxa, a lay fo o tew oxaa yetwoogna o goom olaa. A rokna Piyeer. Otew oxaa yetwoogna o goom olaa a laya Piyeer ee:
A Ndax fogiro, wo iitam, no daalbe waa no kiin oxene ?
L Ta doonin na den ee:
P Muk fogiim na den
L Surga kaa fo boowootax waa a ngepanda fidel. Laam a jogoñ’a too da moof maaga a nda£ooxa. Piyeer a ree£a fa den, a ra£ooxaa. O бooбoxot o maak oxaa laamta Yeesu ka jofna no daalbe um fo no aqatinum. Yeesu a doonin ee:
V Laytaam fo win waa fop a qoolu, aqatnaam kili no xedand olaa maa yaawur waa fop a nqetoogna too mosiim o lay tus na kumpa. Xar taxu boo o laamtaxam ? Laamti we gar’ina a nan’gilwiidaam; den andu ke layuuma
L Yaa ta doonna kene, o leng no бooбooxot waa, a fadin no dek, a layin ee:
A Nene o laytaa fo o бooбooxot o maak oxe ?
L Yeesu a doonin ee:
V A sopangaa ee layaam kaa xeneerna, lalaam boog ke jofaearna na fa lay es; ndaa a sopangaa ee ke layuuma a jofa xar taxu boo fadaxam ?
L Aan a lulta Yeesu fane humeena ma Kayiif o бooбoxot o maak oxaa. Simoŋ Piyeer a yoq maaga a ra£ooxaa. Da layin ee:
A Ndax fogiro wo iitam no daalbe um ?
L Piyeer a xaña a lay ee:
P Ha’aa, fogiim na den
L leng no surga kaa no бooбoxot o maak oxaa, too a ref o pog noxaa Piyeer a deg ‘ina nof um a laya ee:
A Ndax ga’iroong fo ten, no qol laa ?
L Piyeer a xañahin too ndak fo ndak a siik a laya. Soo da nqot a Yeesu no mbind Kayiif to a бisin no nqel naa no maad oxaa. No nqes naa a ree£u yaawur waa mbaña ee ndokkee no nqel naa ndax njegkee ndo£ too a mbaag o ñaam o mbaal onqaa na. Paak fanaa Pilaat a sutooxa a laya den ee:
P Xar refu ken u njambaa o kiin oxene ?
L Da ndoonin ee:
A A fi’angee paxeer, i бisiidkoogirang o ten.
L Pilaat a laya den ee:
P Njangeeno too nu ngate’in no kebil nun !
L Yaawuur waa alayin ee:
A I njegee sañ-sañ o ngate o kiin fa nqon
L Nene a fadnooxtu a lay fanaa Yeesu a lay’ina ndax yegil net a helna xonit, soo Pilaat a daku arok no qel naa ta xooy a Yeesu too a layin ee:
P Ndax o maad no Yaawuur refo ?
L Yeesu a doonin ee:
V Ndax wo naa layoodan mbaat lakas layong o ten.
L Pilaat a doonin ee:
P Ndax kaam ref o Yaawuur ? Wiin nuun fo бooбoxot maak waa, den бoxotng na xa бay es xar fi’o boog ?
L Yeesu doonin ee:
V Maat ne mi fogree fo maat ne adna, maat es a ree£angaa na adna fane, win es a ñoxorgooge ndax бoxotkaandeem Yaawuur waa ndaa maat es hate mene.
L Pilaat a layin ee:
P Yaaga boog o maad refo ?
L Yeesu a doonin ee:
V Layaano, o maad reum, rimeem too garaam na adna fane ndax um seede ndigil ne oxuu fogna fo ndigil ne, xan nan o ñuxur es
L Pilaat alyain ee:
P Xar ndigil naa a refu ?
L Yaa ta layna nene, ta бaat o sutu, aret maa no Yaawuur waa too a lay a den ee:
P Mi mat, ga’iim no ten tus kaa helna tax ta maalel, ndaa ajega o mbaax me nuun ndax um wuusan a nuun o kiin otame na Paak. Ndax nu njaбa um wuusan a nuun o maad oxaa no Yaawuur waa ?
L Da ndal fo soowaa, a mbuuqqaa ee
A Baa ref o ten nda fat a ref Barabaas.
L Barabaas fanene, saasaay a ree£u. Soo Pillat a helbil Yeesu a бisel ndax ta xawel fox a yar. Soldaar a ndokranda o ndip no kić, a ndoonin no xoox um too a ndokin ndoki yeeq; soo da matiidin a layaa ee :
A Tedaanga a helaang, o maad oxe no Yaawuur we
L Too a mbadoogaan no dek, Pilaat a бaata sutoox too a laya Yaawuur waa ee:
P Nga’yo, mexey бisiidan a nuun tafil ndax nu andee ga’iim tu no ten kaa waagna tax boo ta maalel
L Yeesu a sutooxa, a rolooxa, o ndip no kić ndoki yeeq naa too Pilaat a lay a den ee:
P kiin oxe oxey
L Yaa da nga’uuna, бooбoxot maak waa бoowootax waa asoowaa ee:
A Rengeen na Kurwaa, rengeen na Kurwaa
L Pilaat a laya den ee:
P Njangeenoo na qoox nuun, too ndengeenoo na Kurwaa ndaa mi omat ga’iim no ten dara kaa helna tax ta maalel.
L Yaawuur waa a ndoonin ee:
A I njega kebil too no kebil nen I ngelna o ndeef a hela xon laam ka laya ee o бy Roog a refum
L Yaa Pilaat a nanna kene a moÿa o sadar. A rokahina no nqel naa too a laya Yeesu ee:
P Mam hato?
L Ndaa Yeesu doonin tus. Yaaga Pilaat a layin ee:
P Koo fañaa lay fa mi ? Ndax kaa andiron ee jegaam sañ-sañ fanaa waagna tax um watnong mbaat um regnoorong na kurwaa ?
L Yeesu a doonin ee:
V Jegiro sañ-sañ fa leng na mi, o jegtangiran na Roog ten taxu oxaa бooxotama a wo a jega bakaad fanaa moÿna magin
L Hatna no ngap ongaaga, Pilaat a waa£ooga pexey ndax ta watnin. Nda Yaawuur wa a soowooga ee :
A waasangaan ta ret, yaaga refkatiro xaariit Sesaar ! Laam oxuu na fi’aa xooxum o maad, o pañ Sesaar a refu
L Yaa a ta nan’na fa lay fanene, Pilaat a бisa Yeesu tafil too a moofnooraan no nqel naa, no mbiñ onqaa ni’eena Gabata. Ta reeeu na Jumaling, fanaa fo njoloor naa too Paak a hel oref no feet olaa. Pilaat a laya Yaawuur waa ee:
P maad nuun oxey
L Da soowaa ee:
A Fat a warel, fat warel, fat a rengeen na Kurwaa !
L Pilaat a laya den ee:
P Ndax kaam rengkaa na Kurwaa o maad nuun ?
L Booxot waa a doonin ee:
A I njegee o maad o lakas, a refangee Sesaar !
L Yaaga Pilaat a бoxota den a Yeesu nda da ndengin na Kurwaa. A njaaga boog a Yeesu too ta sutoox, a gadwa Kurwaa um a jof no mbiñ onqa ni’eena £uf naa mbaat kalweer. Golgotaa na hebro maaga a da ndengin na Kurwaa too a ndengandooraan fo saasay £ik, oleng no saaxoo sax, Yeesu aref a ndeer den. Pilaat a fi’a apind too a sipnooraan na Kurewaa fanna, kene binde teen: Yeesu fane Naasareet o Maad no Yaawuur waa. A pind a kene, Yaawuur mayu a njangaan, laam o mbin onqaa Yeesu a rengeena na Kurwaa, a mata saate fanaa too fa lay fanene a binde na hebro, na latin fo na gerek. Booxot maak waa no Yaawuur waa a laya Pilaat ee:
A Hel’iro bind o maad oxaa noYaawuur waa, ndaa koo hel’u bind ee: O kiin oxene layu ee mi refu o maad oxe no Yaawuur waa
L Pilaat doon a den ee:
P Kaa binduuma, bindaa nuum
L Yaa soldaar waa andengna Yeesu na Kurwaa, a yoq’a ndoki um ndoki nene jeg ‘ee o £iis ndaa kaa riw’el a tiwand o leng took boo a lanq; a layra ee:
A Ba I nquuyin, ndaa fat lotori’in boo and oxaa naa jegkan.
L Nene a pind ake a mbadnooxtu ee: A lasra kulax es, too ndoki es a mbanjangaan. Nene soldaar waa a mbi’u . Maa na Kurwaa fanaa Yeesu, yaay um a geenoox’a a yoon fo o pog yaay um, Mar o tew Kelewofaas fa Mari Madleen. Yeesu, yaa ta ga’na yaa um fo o taalbe’xaa ta fexna maa no ten, a layzz a Yaay um ee:
V tew oxe, oбeef oo xeene.
L Cinj kaaga, a laya o taalbe xe ee
V Ya of oo xeene
L No kaa xotitna na waxtu faaga, o taalbe xeene a бisu Mari mbind um. Cinj kene, yaa ta and na ee fop a fadnooxa, ndax oa Pind ake a mbadnoox fop; Yeesu a laya ee:
V Hodomeem
L A jegg’a maaga o бaxañ o mayu fa biiñ fa mbodaxu win waa a dag no loq faafaruut juwaam laa xooÿteena biiñ fa mbodaxu fane too a matandin no don um. Yaa ta ñimna bin fa mbodaxu fane, Yeesu a laya ee :
V Fop a fadnooxa.
L Soo ta lupandoox, a бoxot o law um.
(Un instant de silence, en genoux)
L Ne ta ree£na bes fanaa na cagandax alaa, xa tal axaa ngelee maad na krwaa na bes fanna na ñootnax alaa, laam bes faaga na ñootnax alaa a ree£u bes fanaa Paak Yaawuur wa a nqeda Pilaat aqoos den a бolel too xa tal axaa a mbatnel.
Soldaar waa a ngara boog, a бolaa a qoos akaa no leng oxe fo no lakas oxe no waa ndengandoor’eena fo ten. Yaa da ngarna na Yeesu a ga’a ee a xona, бole a qoos um, ndaa o leng no soldar waa a dibaan a salma no sax um too ndak fo ndak fo’oy fa foofi a siida tagaa. Oxaa ga’uuna a seedee’aan too seede um a refa ndigil too o Yaal oxe anda ee a laya ndigil-ndax nuun iitam nu ngim.
Laama kene a xewa ndax fa lay fanene na pind ake a mbadnoox ee : o hiić um o leng бolkaand too o mbiñ o lakas a binde ee: xan a £eet oxaa de ndib’ina.
A cinj kene, Yooseef fanaa Arimati oxaa ree£na o taalbe Yeesu na kumpa, laam kaa sadaroogu Yaawuur waa, a xeda Pilaat ndax ta waag o watin o ndal olaa Yeesu. Nikodem, fane gar’ina o yeng maa Yeesu, a gara ten iitam too a бisiida mira fa alowees kaa laacna fad liibar teemeed a janga o ndol olaa Yeesu a ngulaan pay too a £uuma tuñ pelu, ne Yaasuur waa angastoogna waa nqon’na. Maa Yeesu a reng’eena na kurwaa, a jeg’a a maaga o nqol too no nqol laa, ajeg’aa a mboy a qas a matu maa o leng a mosandeena geek. Laam a cagandax alaa no ndoofeen naa no Yaawuur waa, da ngeek maaga a Yeesu.
